ຂົ້ວຊີ້ນ (ຜັດໂປຣຕີນ)

10 ນາທີ ກະກຽມ

20 ນາທີ ປຸງແຕ່ງ

ສໍາລັບ 2-4 ທ່ານ

ກ່ຽວກັບສູດອາຫານນີ້

ຂົ້ວຊີ້ນແມ່ນຜັດໂປຣຕີນທີ່ເຮັດຈາກມັນ ແລະ ບຣອກຄໍລີ. ລົດຊາດຂອງໝາກເລັ່ນປະສົມກັບນ້ຳຊອດ, ຜັກບົ່ວ ແລະ ກະທຽມເຮັດໃຫ້ອາຫານຈານນີ້ແຊບທີ່ສຸດ. ເຊັ່ນດຽວກັນກັບອາຫານລາວສ່ວນໃຫຍ່, ການກິນອາຫານເຍື່ອງນີ້ກັບເຂົ້າໜຽວ ຫຼື ເຂົ້າຈ້າວແມ່ນດີທີ່ສຸດ.

ສູດອາຫານໂດຍ: ຊາລອນ ດາລາພົນເດດ
ຮູບພາບໂດຍ: ຄາຍລີ ໂຮບ

ສ່ວນປະກອບ

  • ບຣອກຄໍລີເຄິ່ງຫົວ, ຊອຍ
  • ຫົວຫອມໃຫຍ່ 1 ສ່ວນນ້ອຍໆ , ຊອຍເປັນປ່ຽງເຄິ່ງນ້ອຍໆ
  • ກະທຽມ 5–6 ງີມ, ຟັກລະອຽດ
  • ໝາກເລັ່ນນ້ອຍ 9–11 ໜ່ວຍ, ຜ່າເຄິ່ງ
  • ຊີ້ນກະປອງເຈ 1 ກະປອງ ຫຼື ຊອງ ຫຼື “ຊີ້ນ” ເຈ ຊອຍເປັນຕ່ອນບາງໆ
  • ຫອມບົ່ວ 1–2 ຫົວ, ຊອຍເປັນຕ່ອນ 1-ນິ້ວ
  • ນ້ຳມັນຫອຍເຈ 2–4 ບ່ວງຊາ
  • ນ້ຳຊິອິ້ວ 2–3 ບ່ວງຊາ ຫຼື ຊຸບຊອດປຸງລົດ ຫຼື ນ້ຳອາມີໂນ
  • ນ້ຳມັນຜັກ 1–2 ບ່ວງໂຕະ
  • ພິກໄທດຳ ນ້ອຍໜຶ່ງ
  • ພິກປົ່ນ (ຢາກໃສ່ຫລືບໍ່ໃສ່ກໍໄດ້)
Khua Seen

ຄຳແນະນຳແຕ່ລະຂັ້ນຕອນ

  1. ໃສ່ນໍ້າມັນໃນໝໍ້ກະທະຂະຫນາດກາງແລ້ວຂາງໃສ່ໄຟຮ້ອນປານກາງ.
  2. ເມື່ອຮ້ອນແລ້ວ, ໃຫ້ຕື່ມຜັກບົ່ວ ແລະ ກະທຽມ ແລະ ຜັດຈົນເປັນສີນ້ຳຕານໜ້ອຍໜຶ່ງ, ປະມານ 4-6 ນາທີ.
  3. ເພີ່ມ seitan ຫຼື “ຊິ້ນ” ເຈ ໃສ່ໝໍ້ກະທະ ແລະ ຄົນໃຫ້ທົ່ວຈົນກວ່າໂປຣຕີນຈະເປັນສີນ້ຳຕານ.
  4. ເພີ່ມໝາກເລັ່ນໃສ່ໝໍ້ກະທະ. ຜັດຈົນກວ່າໝາກເລັ່ນທັງໝົດສຸກ ແລະ ມີນ້ຳອອກມາ. ເພີ່ມນ້ຳລົງໄປເພື່ອສ້າງເປັນນ້ຳຊອດ ແລະ ຊ່ວຍໃຫ້ຜັກ ແລະ ໂປຣຕີນບໍ່ຕິດກັນ.
  5. ເພີ່ມຊອດຫອຍນາງລົມເຈ ແລະ ຊິອິ້ວ ແລ້ວຄົນໃຫ້ເຂົ້າກັນ. ຜັດອີກ 3–5 ນາທີ. ເພີ່ມນ້ຳອີກຖ້າທ່ານຢາກໃຫ້ມັນເປັນນ້ຳຊອດແຫຼວຕື່ມອີກ.
  6. ເພີ່ມບຣອກຄໍລີໃສໝໍ້ກະທະ ແລະ ຄົນ. ຜັດຈົນກວ່າບຣອກຄໍລີອອກສີຂຽວ ແລະ ອ່ອນ (ປະມານ 4–6 ນາທີ).
  7. ປຸງແຕ່ງດ້ວຍພິກໄທດຳ ແລະ ພິກປົ່ນ. ກິນກັບເຂົ້າ.