ເຂົ້າຕົ້ມມັດ

1-1,5 ຊົ່ວໂມງ

45-55 ນາທີ

10-12 ທ່ານ

ກ່ຽວກັບສູດອາຫານນີ້

“ຂ້ອຍຊື່ Ilene Rouamvongsor ແລະ ຂ້ອຍເປັນຄົນອາເມຣິກາເຊື້ອສາຍລາວລຸ້ນທີສອງ. ຂ້ອຍກໍາລັງສົ່ງສູດສໍາລັບເຂົ້າຕົ້ມມັດ ເຊິ່ງເປັນກ້ວຍສຸກຢູ່ໃນເຂົ້າໜຽວໝາກພ້າວຫວານທີ່ຫໍ່ຢູ່ໃນໃບກ້ວຍ ແລະ ໜຶ້ງຈົນກວ່າຈະສຸກ. ອາຫານຊະນິດນີ້ມີທັງແບບຄາວ ແລະ ຫວານ. ທັງສອງແບບເຮັດໃຫ້ຂ້ອຍຄິດເຖິງຄວາມຫຼັງ ແຕ່ແບບຫວານແມ່ນເໝາະສົມກັບອາຫານເຈ!”

ສູດອາຫານໂດຍ: ໄອເລັນ ຣູອາມວົງຊໍ
ຮູບພາບໂດຍ: ຄາຍລີ ໂຮບ

ສ່ວນປະກອບ

  • ເຂົ້າສານໜຽວດິບ 2 ຖ້ວຍ (ລ້າງນ້ຳສອງເທື່ອ, ຈາກນັ້ນແຊ່ນ້ຳຂ້າມຄືນ ຫຼື ຢ່າງໜ້ອຍ 3 ຊົ່ວໂມງ)
  • ນ້ຳຕານຊາຍ ¾ ຈອກ + 2 ບ່ວງແກງ
  • ນ້ຳກະທິ ກະປ໋ອງ 2 (14 oz)
  • ກ້ວຍສຸກປອກ
  • ໃບໝາກກ້ວຍ ຫຼື ໃບເຕີຍ 10-12 ໃບ
  • ເກືອ
  • ໄມ້ຕອກ ສໍາລັບມັດຫໍ່ເຂົ້າຕົ້ມ
Khao Tom Mud

ຄຳແນະນຳແຕ່ລະຂັ້ນຕອນ

  1. ຕັດໃບກ້ວຍເປັນ 6×8 ນີ້ວ ແລະ 8×9 ນິ້ວ. ເຮັດຄວາມສະອາດໃບກ້ວຍດ້ວຍນ້ຳ ແລະ ເຊັດມັນແດ່, ພໍວ່າບໍ່ໃຫ້ໃບຕອງຕິດກັນເມື່ອຕອນກຽມຫໍ່. ໃຫ້ຈັບໃບຕອງຄ່ອຍໆໃນເວລາທີ່ທ່ານທໍາຄວາມສະອາດມັນເພາະວ່າມັນຈະສີກໄດ້ງ່າຍ.
  2. ຖອກເຂົ້າໜຽວທີ່ແຊ່ນ້ຳແລ້ວລ້າງອອກສອງສາມເທື່ອຈົນກວ່ານໍ້າຈະໃສ ແລະ ຈາກນັ້ນໃຫ້ປະໄວ້ໃນໂຖ.
  3. ສຳລັບຂັ້ນຕອນຕໍ່ໄປ, ຂ້ອຍເຫັນວ່າການໃຊ້ໝໍ້ທີ່ມີຂະໜາດກວ້າງຈະເປັນວິທີທີ່ດີທີ່ສຸດແມ່ນແຕ່ສໍາລັບການປຸງແຕ່ງອາຫານ. ຖອກນໍ້າໝາກພ້າວໃສ່ໝໍ້ ແລະ ຕື່ມໃບເຕີຍ 2-3 ໃບ (ມັດເຂົ້າກັນເປັນຫົວ) ແລະ ເກືອຍິບໜຶ່ງ. ໃສ່ໄຟຮ້ອນປານກາງ. ປ່ອຍໃຫ້ມັນຟົດ ແລະ ຫຼັງຈາກນັ້ນໃຫ້ຄ່ອຍໆຖອກໃສ່ເຂົ້າທັງໝົດ, ຄົນສອງສາມເທື່ອ, ເຮັດໃຫ້ແນ່ໃຈວ່າທ່ານຄົນມັນຢ່າງສະໝໍ່າສະເໝີໃນແຕ່ລະສອງສາມວິນາທີໃດ. ທ່ານບໍ່ຕ້ອງຄົນມັນແຮງຫຼາຍເພາະທ່ານຈະບໍ່ຢາກໃຫ້ເມັດເຂົ້າຫັກ. ເຂົ້າຄວນດູດເອົານໍ້າໝາກພ້າວ ແລະ ມັນຈະມີຄວາມເຫຼື້ອມ ແລະມັນ. ໃນຈຸດນີ້, ໃຫ້ຕື່ມນ້ຳຕານ ແລະ ຄົນໃຫ້ເຂົ້າກັນຈົນນ້ຳຕານໄດ້ຊືມຜ່ານເຂົ້າໃຫ້ທີ່ສຸກຈົນທົ່ວ. ທ່ານສາມາດຫຼຸດຄວາມຮ້ອນລົງໄດ້ຖ້າມັນເລີ່ມມີອາຍອອກມາ ເມື່ອນໍ້າຕານໃນເຂົ້າກັບເຂົ້າສຸກໝົດແລ້ວ, ໃຫ້ປິດຄວາມຮ້ອນ ແລະ ປ່ອຍໃຫ້ເຢັນປະມານສອງສາມນາທີ.
  4. ປອກເປືອກໝາກກ້ວຍຂອງທ່ານອອກ ແລະ ຜ່າເຄິ່ງ. ຈັດຮຽງໃບກ້ວຍທີ່ຕັດແລ້ວ 6×8 ຢູ່ເທິງ ແລະ ຢູ່ເຄິ່ງກາງຂອງໃບ 8×9 ດ້ວຍເອົາດ້ານທີ່ເຫຼື້ອມຫງາຍຂຶ້ນ. ເມື່ອເຂົ້າເຢັນລົງໃນອຸນຫະພູມທໍາມະດາແລ້ວ, ໃຫ້ເອົາບ່ວງແກງຕັກເຂົ້າໃສ່ໄປວາງໃສ່ເຄິ່ງກາງຂອງໃບກ້ວຍນ້ອຍ, ວາງກ້ວຍເຄິ່ງໜ່ວຍໃສ່ດ້ານເທິງ ແລະ ຈາກນັ້ນກໍໃຫ້ຕັກເຂົ້າອີກບ່ວງໜຶ່ງໃສ່ເທິງເພື່ອປົກກ້ວຍໄວ້. (ທ່ານອາດຈະເຫັນວ່າຂະໜາດຈະປະມານບ່ວງແກງ, ອາດຈະຫຼາຍຫຼືໜ້ອຍກວ່ານັ້ນໜ້ອຍໜຶ່ງ. ເຮັດຈັກສອງສາມເທື່ອລອງເບິ່ງວ່າຂະໜາດໃດຈະເໝາະທີ່ສຸດ). ພັບທັງສອງມຸມທີ່ກົງກັນຂ້າມເຂົ້າກັນ, ມ້ວນຈົນແໜ້ນ ແລະ ຈາກນັ້ນໃຫ້ພັບສ່ວນເທິງ ແລະ ລຸ່ມເຂົ້າໄປໃນດ້ານດຽວກັນ. ພັບຊໍ້າອີກຈົນກວ່າຈະບໍ່ເຫັນເຂົ້າອີກແລ້ວ.
  5. ທ່ານຕ້ອງການເອົາຫໍ່ທີ່ເຮັດແລ້ວສອງອັນປິ່ນສອງດ້ານທີ່ພັບນັ້ນແນບເຂົ້າກັນ. ເອົາຕອກໄມ້ໄຜ່ສອງເສັ້ນ ແລະ ເອົາຕອກທຳອິດມັດອ້ອມສົ້ນໜຶ່ງຂອງມ້ວນ. ເມື່ອຕອກສອງສົ້ນມາຈຸກັນ, ໃຫ້ບິດມັນພັນເຂົ້າກັນສອງສາມບາດ ແລະ ມັດເຂົ້າຕົ້ມສອງຫໍ່ນັ້ນເຂົາກັນໃຫ້ແໜ້ນ. ເອົາຕອກເສັ້ນທີສອງມາມັດປາຍເຂົ້າຕົ້ນອີກສົ້ນໜຶ່ງແລະເຮັດແບບດຽວກັນກັບສົ້ນທໍາອິດ. ແຖບຕອກໄມ້ໄຜ່ ແລະ ປາຍຂອງຫໍ່ເຂົ້າຕົ້ມຄວນຫ່າງກັນປະມານ 1 ນີ້ວ.
  6. ຂ້ອຍໃຊ້ເຄື່ອງໜຶ້ງແບບດັ້ງເດີມຂອງລາວໂດຍມີຫວດໄມ້ໄຜ່ ແລະ ໝໍ້ໂລຫະໜຶ້ງເຂົ້າທີ່ໂຄ້ງເຄິ່ງກາງເພື່ອໃຫ້ອາຍຜ່ານໄດ້, ແຕ່ທ່ານສາມາດໃຊ້ວິທີໃດກໍໄດ້ເພື່ອໜຶ້ງເຂົາຕົ້ມ. ວາງມ້ວນເຂົ້າຕົ້ມມັດໄປໃນຫວດໜຶ້ງເຂົ້າຂອງທ່ານ ແລະ ໜຶ້ງໂດຍທີ່ມີນ້ຳທີ່ຕົ້ມຟົດຢູ່ໃນໝໍ້ທີ່ມີຄວາມຮ້ອນສູງປະມານ 45 ນາທີຫາໜຶ່ງຊົ່ວໂມງ.
  7. ລໍຖ້າສອງສາມນາທີຫຼັງຈາກເອົາພວກມັນອອກຈາກໝໍ້ໜຶ້ງຍ້ອນວ່າມັນຮ້ອນຫຼາຍ! ມາຍຕອກໄມ້ໄຜ່ອອກ ແລະ ເປີດໃບຕອງອອກເຜີຍຂະໜົມຫວານທີ່ໜຶ້ງນັ້ນໄວ້ຢ່າງສວຍງາມ. ກິນດ້ວຍການໃຊ້ບ່ວງ ຫຼື ສ້ອມ ຫຼື ຖ້າຈະໃຫ້ຄັກກວ່ານັ້ນ ແມ່ນກິນດ້ວຍໃຊ້ມືເປົ່າຂອງທ່ານຈັບໂລດ!

ໝາຍເຫດ

  • ທ່ານສາມາດໃຊ້ເຊືອກທີ່ໃຊ້ໃນການຄົວກິນ ຫຼື ຈີກເສັ້ນຍາວໆ ອອກຈາກຂອງໃບຕອງມາມັດເຂົ້າຕົ້ມແທນໃຫ້ຕອກໄມ້ໄຜ່.
  • ຖ້າທ່ານເຫັນວ່າໃບກ້ວຍແຂງຈົນມັນພັບຍາກ, ທ່ານສາມາດເອົາໄປລົນໄຟ ໂດຍເຮັດໄວໆເພື່ອເຮັດໃຫ້ມັນອ່ອນຂຶ້ນ.

ຂອບໃຈທີ່ອ່ານ. ຂ້ອຍຫວັງວ່າຊ່ວງເວລາອັນສັ້ນໆນີ້ ຈະເຮັດໃຫ້ທ່ານຫຼົງຮັກເຂົ້າໜົມພື້ນເມືອງລາວ/ອາຊີຕາເວັນອອກສ່ຽງໃຕ້ອັນນີ້!