ຄົນທີ່ເປັນມັງສາວິລັດຫຼີກລ່ຽງສ່ວນປະກອບອາຫານທີ່ມາຈາກສັດເຊັ່ນ: “ຊີ້ນ”, ອາຫານທະເລ, ໄຂ່, ນົມ ແລະ ນໍ້າເຜິ້ງ ເຊິ່ງທັງໝົດນີ້ ແມ່ນຜະລິດຕະພັນທີ່ໄດ້ມາຈາກຄວາມທຸກທໍລະມານ ແລະ ການຂູດຮີດ. ແຕ່ກໍໂຊກດີທີ່ອາຫານຈາກລາວແມ່ນອາຫານປະເພດຜັກ ແລະ ບໍ່ມີນົມ ໂດຍທີ່ອາຫານຫຼັກແມ່ນເຂົ້າໜຽວ. ອາຫານລາວໃຊ້ເຄື່ອງປຸງລົດຕ່າງໆເຊັ່ນ ໝາກນາວ ແລະ ເຄື່ອງເທດ ແລະ ສ່ວນປະກອບເຊັ່ນ ສະຫມຸນໄພສົດ ເພື່ອເຮັດໃຫ້ມີຄວາມກົມກ່ອມເຂົາກັນຂອງລົດຊາດ ທີ່ແຊບຊ້ອຍໂດຍບໍ່ຕ້ອງໃຊ້ສ່ວນ ປະກອບທີ່ມາຈາກສັດ.

ລາວໄດ້ຕົກເປັນເມືອງຂຶ້ນຂອງຝຣັ່ງໃນທ້າຍສັດຕະວັດທີ 19 ຫາກາງສະຕະວັດທີ 20 ແລະຍັງໄດ້ຮັບ ຜົນກະທົບທີ່ຮ້າຍແຮງຈາກ “ສົງຄາມລັບ” ໃນໄລຍະທີ່ສະຫະລັດ ໄດ້ຖິ້ມລະເບີດລູກຫວ່ານຫຼາຍກ່ວາ 270 ລ້ານໜ່ວຍໃສ່ປະເທດນັ້ນ. ໂສກນາດຕະກໍາຂອງສົງຄາມນີ້ ເຮັດໃຫ້ລາວກາຍເປັນປະເທດ ທີ່ຖືກລະເບີດ ຫຼາຍທີ່ສຸດຕໍ່ຫົວຄົນໃນປະຫວັດສາດ ແລະ ຍັງມີລະເບີດລູກກວາດຫຼາຍກວ່າ 80 ລ້ານໜ່ວຍ ຢູ່ໃນ ປະເທດລາວທີ່ຍັງບໍ່ໄດ້ແຕກ. ມີອົງການຈັດຕັ້ງຂັ້ນຮາກຖານຈຳນວນໜຶ່ງ ທີ່ອຸທິດຕົນໃຫ້ແກ່ການ ຕໍ່ສູ້ເພື່ອຄວາມຍຸຕິທຳສຳລັບປະຊາຊົນລາວ ໂດຍການເກັບກູ້ລະເບີດລູກຫວ່ານຢ່າງລະມັດລະວັງ ເທື່ອລະລູກໄປ.

ເຖິງວ່າຈະມີສະພາບການທີ່ເສົ້າສະຫຼົດໃຈດັ່ງກ່າວກໍຕາມ, ຄົນລາວແມ່ນມີຄວາມອົດທົນ ແລະ ສືບຕໍ່ນັບຖືປະເພນີລາວ, ລວມທັງອາຫານການກິນຂອງພວກເຂົາເຈົ້າ. ພວກເຮົາຫວັງວ່າ ທ່ານຈະມີຄວາມສຸກກັບການອາຫານລາວທີ່ທ່ານມັກ ຫຼື ລອງຊິມອາຫານເຍື່ອງໃໝ່!

ຂໍຂອບໃຈເປັນຢ່າງຍິ່ງຕໍ່ທຸກຄົນທີ່ປະກອບສ່ວນໃສ່ສູດອາຫານໃຫ້ກັບເວັບໄຊທ໌ນີ້.

ມາເດີ, ມາເດີ! ຂອບໃຈຫຼາຍໆ!